Monday, April 5, 2010

У мут-влак

А тый палет, аҥгличан йылмыште кажне 98 минутышто ик у мут лектеш. Вес семын манаш гын, кажне кечын 14.7 наре у мут лектеш. (http://www.languagemonitor.com/ гыч).

А кызыт шотло, мыняр у мут-влак марий йылмыште лектыт?

Аҥгличан йылме 2009 ийыште, Пеледыш тылзын 10 кечынже 1 000 000 (амион) мут марте шуын. А марий 10-томан мутерыште чылажге 32 581 мут гына. А вет тиде лу-томан мутерыште шуко руш мут уло. Тугеже марий мутын чотшо эше шагалрак лиеш. Вот тыгай вот иктешлымаш. Садлан мыланна - марий-влаклан уло кертмын у мут-влакым шонен лукташ кӱлеш.

Теве мый кок у мутым темлем:
  • кӧргыштыме. Кӧргыштыме радамлык, мутлан. Аҥгличанла: embedded system. Кӧргыштыме радамлык - чыла ик изи устройствышко чылам погымо: программым да механизм-влакым.
  • компучырлаш. Аҥгличан computing гыч. руш йылмыште тыгай мут уке. Тиде компучыр пайдаланымашым ончыкта.
Каласыза, кӧн могай шонымашыже уло. Тыланда тиде мут-влак келшат але уке?

1 comment:

  1. кӧргыштыме мут олмеш эше тыгай мутым кучаш лиеш: шыҥдарыме

    ReplyDelete