М. Тетчер тыге каласен: Россий - Касвелысе цивилизацийым обслуживатляш 30 амин тунемдыме кул!

Марий - тунем, пелторта да ораде ит лий!

Теве тыгай кнага-влак мыланем келшышт:
* Как выбирать своих людей. Рут Миншулл
* Алан Лакейн. Искусство успевать

Нуным тый вотыште муын кертат, Google-ыште мутлан. Кӧлан могай сай кнага келшыш, каласыза, тыште возыза.

Ончал кузе тыйым кугыжаныш телеканал шоякла

Садлан мый тиде каналым ом ончо. Марий-влаклан эрыкан увер-влак кӱлыт, марий калык - шорык огыл.

QIP Infium марла

Тиде пашам шукерте тӱҥальым. Кызыт эн чӱчкыдын койшо мут-влак кусарыме. Чылам кусараш пеш кӱлешан да жап ок сите.

Кылвер: www.marlamuter.org/public/mari%20icq/

Кӧн жапше уло, мыйын е-майлыш кусарымашым колтыза: slava@marlamuter.org

Мый шонем, вара эше ICQ-программым марий йылмыш кусараш кӱлеш. Тушто вет марий йӱкпале-влакым возаш лиеш, а QIP Infium-ыште марий йӱкпале-влакым возаш огеш лий.

Но мыйын жапше шуко огыл. Полыш кӱлеш. Кусарымашым мыланем колтыза, а вара мый программын тӱжвал сыным кусарем. Мыланем тиде паша - йӧсӧ огыл.

---
йӱкпале - буква
тӱжвал сын - интерфейс

У мут-влак

А тый палет, аҥгличан йылмыште кажне 98 минутышто ик у мут лектеш. Вес семын манаш гын, кажне кечын 14.7 наре у мут лектеш. (http://www.languagemonitor.com/ гыч).

А кызыт шотло, мыняр у мут-влак марий йылмыште лектыт?

Аҥгличан йылме 2009 ийыште, Пеледыш тылзын 10 кечынже 1 000 000 (амион) мут марте шуын. А марий 10-томан мутерыште чылажге 32 581 мут гына. А вет тиде лу-томан мутерыште шуко руш мут уло. Тугеже марий мутын чотшо эше шагалрак лиеш. Вот тыгай вот иктешлымаш. Садлан мыланна - марий-влаклан уло кертмын у мут-влакым шонен лукташ кӱлеш.

Теве мый кок у мутым темлем:

• кӧргыштыме. Кӧргыштыме радамлык, мутлан. Аҥгличанла: embedded system. Кӧргыштыме радамлык - чыла ик изи устройствышко чылам погымо: программым да механизм-влакым.
• компучырлаш. Аҥгличан computing гыч. руш йылмыште тыгай мут уке. Тиде компучыр пайдаланымашым ончыкта.

Каласыза, кӧн могай шонымашыже уло. Тыланда тиде мут-влак келшат але уке?

Марий йылмым тунемме годым, мыйын тыгай шонымашем лектын: Марий йылмын чынвозыш виктарчыкше-влак умылашлан изиш неле улыт.

Мутлан тыгай кнага уло: Леонид Яндак "Онар" маналтеш. 53 лаштыкыште кокымшо корнышто возымо: "Вольык вӱр вуйжым, оҥжым нӧртен."

Виктарчык почеш мый тыге возем ыле: Вольыкын вӱржӧ. Йолташем-влак кузе мылам каласышт, кок семынат возаш лиеш. Икымше йӧн сайрак. Кокымшо йӧн дене марий йылме йӧсӧ лиеш.

Тӱжвал сынлан аҥгличан йылмым шындышым. Рушла огеш келше. Руш йылме дене рушла возаш тӧчет, руш йылмым кораҥдет - марла возаш каньыле лиеш. Мыйын возымышто йоҥылышым муат гын - каласе. Ит вожыл.

Мыйын эше ик блогем. Таче мый twitter-ыште регистрацийым эртышым. :-)